長洲好多小食
仲有芒果、榴槤糯米糍
有店舖貓
仲有大大粒魚蛋
週圍去行吓
我同阿姐去買手信，三家姐同阿姨去搵地方食海鮮
海鮮檔貓
之前阿姐係牛米高媽face度見到佢去九龍城一間甜品店食咗個好特別o既甜品，Pat契媽都有興趣，但每次時間又唔夾，兼且九龍城又無港鐵，對我o黎講都唔易去
後來某日行過太子見到一間新開法式甜品店，有呢個甜品，見去完長洲時間仲早，Pat契媽又係太子返工，一上船就即刻call契媽收工未，等埋我哋o黎太子食甜品
落咗船，三家姐同阿姨都唔去，要返屋企，咁我同阿姐拿拿淋趕去太子
見到Pat契媽，至知佢call埋芬契媽o黎，因為芬契媽咁啱返大坑東奶奶家食飯
就係呢間甜品店
枱上面o既擺設都咁靚
叫咗個drink，套壼杯好鬼靚，仲好好飲
啲甜品又別緻又好味
阿姐同Pat契媽就係想試呢個甜品
食時有橋妙的
叫呢杯咖啡時，想叫佢可唔可以拉貓貓拉花 ，不過佢哋唔識，只有呢個熊仔拉花
食完真係要同佢哋講再見，唯有下次見
我都想去長洲玩下。
回覆刪除去啦、去啦
刪除我已經幾年無去過長洲, 個到真係好多野食, 但又好多人~~
回覆刪除不過我個人鐘意大澳多D~~好多貓又有精品咖啡~哈哈!
大澳只有貓多，想食嘢就要去長洲，只要唔係假日去就無咁多人
刪除妳今次返黎都去左好多地方喎，連長洲都有去
回覆刪除係香港依家交通方便，去邊度都咁方便，其實仲有好多地方想去，真係時間唔夠
刪除我連長洲都廿幾年未去過呀
回覆刪除咁妳下次返o黎去行吓，食大粒魚蛋啦
刪除長洲又係唔可以假日去, 聽聞有 d 長洲人都假日咁多人湧入去, 都忟忟哋 haha
回覆刪除係香港假日最好邊度都唔好去，哈哈
刪除我都好耐無去過長洲啦~你地係HK食食食食, 係唔係重左好多呢??
回覆刪除雖然係香港真係成日食，但我本身唔算大食，只係重咗幾磅，阿姐就重得多啲，但返o黎又唔舒服咗幾日，係呢度又無咁多嘢食，佢都好快瘦番
刪除去長洲真係不停食食食 , 因為太多美食呢 , 呢間甜品啲杯真係好別緻 , 好似去 high tea 咁 , 啲甜品一定好好味呢~!!
回覆刪除啲甜品真係唔錯
刪除套壼杯嗰Drink我上次去冇得飲呀
回覆刪除好飲o架，下次去試吓
刪除