香港遊2015 — 大澳好多貓

我剩番一個星期就返紐約，阿姨(我個妹)特登放大假o黎陪我兩母女，每次佢臨放假前收工都會上o黎三家姐度瞓，通常佢都會瞓到黃朝百晏至起身

等佢起咗身一齊落樓下大快活食啲嘢，出發去大澳，阿姨都話好多年無去過大澳

一落巴士行入村就見到呢間歷史文化室

向村內進發

去過大澳o既朋友應該知道呢度俾$20就可以搭小船去睇中華白海豚，阿姨好想去坐，但阿姐當日都唔係太舒服，搭巴士時仲嘔，而且我都唔鍾意幫襯利用動物賺錢o既生意

村內好多村貓同村狗

行到去街市旁邊，見到好多流浪貓，起碼有一打貓，當然要攞零食出o黎賄賂吓呢班佗地貓

啲佗地幾有霸氣

沿途都係一邊搵貓餵貓

見到有黃皮樹

柚樹

不知名的植物

木瓜樹

龍眼樹

 再向前行就到天后廟，我覺得呢度好靚呀，感覺好舒服

忍唔住係度坐咗一陣，吹吓風，去過厠所，但可惜有蚊咬，速閃

返轉頭行另一條路，要去搵一間關於貓既Cafe，話說係一個貓義工開的

搵到了，因為唔想太晏走，所以無幫襯

又再一邊行返出去、一邊餵村貓

見差唔多行番去街市附近，見啲零食剩番唔多，阿姐話不如去餵埋俾街市旁啲流浪貓

一去到，阿姐搖吓個零食袋，睇吓，班貓空羣而出

返到巴士站，因為我哋太晏至o黎到，其實我好想去長堤盡頭嗰邊行吓，因為小時候爸爸有個朋友住係嗰度，暑假爸媽會帶我哋去探佢個朋友，有時仲會過埋夜，所以呢度都有我o既童年回憶，唯有下次有機會再o黎過啦

搭巴士返出去時阿姐又嘔啦，趕快返去同阿姐睇醫生，夜晚嗰餐，阿姐食咗藥，三家姐煲粥俾阿姐食，留係屋企瞓，我哋就落屋村平台食小菜，希望阿姐食咗藥快啲好，因為第二日我哋買咗船飛去澳門玩兩日