香港遊2015 — My family

返香港除咗去玩，探貓狗友咸貓狗，最重要梗係見我自己啲屋企人啦

第一日返到香港同我食晚飯係我阿姨(真係我阿姨，唔係我個妹)，特登就阿姨入大圍食，食完飯就去殿糖級食甜品

因為我太多姊兄妹，約食飯都唔可以一次約齊，返咗o黎幾日至約其中家姐、阿哥一齊食飯，係我個妹做嗰間稻香食晚飯

麵包蟹，個妹話麵包蟹無新鮮的，唔係新鮮蟹又真係唔好食

我指定一定要o既菠蘿咕嚕肉
 

某日要去拜祭父母，朝早先去川龍飲茶，順道買雞球大包、其他點品帶去孝敬先父先母

見到下面間屋有貓，不過距離太遠，影得唔清楚
 

入到屯門青松觀拜祭父母時，見到隻靚雀雀，爸爸生前都有養過雀仔，望靚雀雀多啲o黎唱歌仔比啲先人聽

見到有怕羞草呢，美國無呢啲植物，叫阿姐玩多陣

呢日同二哥慶祝生日，我同二哥鍾意飲豬肺湯，三家姐話“季季紅”有，所以係荃灣季季紅食，但啲豬肺湯咸到咩咁，唔單只啲湯咸，連其他菜式啲味道都唔掂

季季紅出名食乳豬，我哋人少無叫，而且我覺得食乳豬好殘忍，阿姐見到放係季季紅門口呢幅圖，阿姐話見隻豬燒自己啲同類，仲要笑得咁開心，隻豬好鬼衰

食完行返大窩口，去試一間新開o既甜品店

呢日三家姐入沙田返工，返工前約咗佢襯家奶奶飲茶，飲完茶跟姨甥女返屋企，見吓佢隻狗Coffee

 某日又入沙田去我阿姨屋企坐，因為佢搬咗去村屋住，順道去坐吓，就係“龍華”附近

 二仔住一樓，細仔住天台，佢細仔原來養咗兩隻貓，兩隻貓都好肥

呢隻超怕人，一早已經匿入房，仲要匿係個電視機後面，我都驚我嚇親佢

晩上再約晒佢啲屋企人出o黎食飯

記得香港有一日打咗幾個鐘八號風球嗎﹖呢晚我就約咗我大家姐同四家姐一家係旺角雅蘭稻香食飯， 四家姐特登去尖沙咀買咗個芝士蛋糕o黎一齊食，佢話好鍾意呢間啲芝士cake喎

 二嫂成日話同我去食自助餐，所以我臨走前一個星期去咗“城景國際”食Buffet

最後我搵到技安小時候o既相片，係2007年返香港時，去我姨甥女屋企度影，真係估唔到佢依家咁肥

講真，幾年至返香港一次，每次都覺得陪屋企人唔夠，期望下次快啲返，兼又可以留時間長啲