轉新工

係香港玩完返o黎，我利用個幾星期試吓搵新工，見咗一份，無聲氣，所以就返番舊工，又見番公司外面啲貓

一返到去仔仔爸就餵貓

連續幾日都見灰貓係度等我哋o黎

某星期六仔仔爸接我放工，經過我公司對出街口嗰間公司停車場，見到有貓，當時更亭有人呼喚啲貓，應該係開餐比貓食呢

某朝早又見灰貓係度等我哋

 之後我返入公司，係窗度見到灰貓無走

某日見灰貓係窗外曬太陽呢

同日我收工時，見到黑貓呢，不過我身上無嘢食，我估我叫佢佢都唔會睬我o架啦

到星期一，我哋都會開罐罐，黑貓係度等緊呢

點知之前見嗰份工請我，所以我做多一個星期就返新工，以後就靠仔仔爸每朝返工前去餵佢哋

早連續兩個星期日，我哋都需要去入貨，入貓砂同貓糧，嗰兩日我哋先返我舊公司餵貓

第一個星期日，一開咗罐罐，黑貓可能嗅到味，好快就出o黎食，佢仲要每一罐都食試味

後來灰貓都來了

後來我哋去咗Food Court 食咗飯先再去入貨，又係魯肉飯

咁早幾日前嗰個星期日，一去到見到有水、有啲乾糧

我哋開咗罐罐，等咗一陣都唔見有貓出現

唔知係咪佢哋啱啱食飽乾糧，所以無出o黎，最後我哋唯有走了

又係去Food Court 先食飯，再去入貨

唔係魯肉飯就係臭豆腐

不過有時仔仔爸需要早啲返工，佢就無時間朝早去餵，好似今日咁，佢都係收咗工至去餵貓，仔仔爸一換咗啲新鮮水，灰貓就即刻飲

睇怕以後想見佢哋都係靠仔仔爸影吓相，同去開入貨至去餵佢哋至有得見