2017年12月17日 星期日

探Da 仔

講講再o黎緊四日嘅行程,嗰四日都要幫手湊阿B


星期一又係等細妹做完針灸,買車仔麵返o黎比我食,通常細妹o黎到會留係廳睇電視,咁我又乘機留低阿B 係廳比佢湊,我返入房追我啲TVB 電視劇了,等齊三家姐、姨甥仔、姨甥女收工返o黎就落樓下茶餐廳食晚飯,呢間茶餐廳有貓店長o架






見到佢就令我掛住奇哥仔







呢一日要湊到三家姐收工返o黎,又係等埋啲姨甥仔女返o黎至去食飯,呢晚我哋食越南餐








呢一日,三家姐會早放工,我一等三家姐返o黎就即刻出門口,因為我約咗個舊同事,佢約我去油麻地永安等,佢帶我去食素菜




兩個人叫咗咁多嘢,原來下午茶時段,所有嘢都係半價,但食唔晒唔可以打包,嘩,個同事又唔早講,知就唔叫咁多啦,為咗唔想嘥嘢,搞到我食咗好多,飽到我呢,之後我約咗我姑仔個香港同事6 點鐘係裕華有嘢交比佢,我舊同事陪我係裕華等佢,裕華啲熊貓公仔又幾得意喎


我姑仔個香港同事o黎到了,姑仔同事曾經去紐約工幹,仲同我哋一齊New Jersey 去行過山,所以都係係相識,交咗啲比佢,佢話佢要去旺角買戲飛,咁我話陪佢一齊去,途經廟街,我覺得好好笑係,佢好似當咗我係外國遊客咁,介紹廟街特式


我話想行信和中心,佢仲陪我行咗一陣,反而去到信和佢買到嘢,佢陪我行到去朗豪坊,我就搭小巴返大窩口,返到去唔見三家姐同姨甥女,原來佢哋入咗屯門,咁襯佢哋無人係屋企,我就執吓行李,再追埋啲電視劇,下午茶嗰餐真係好飽,所以嗰晚我都無再食過其他嘢

到星期四,呢日三家姐會遲返,我又約咗個貓友,所以預早call 咗我二家姐o黎幫手湊住阿B

二家姐中午o黎到,等阿B 瞓醒就一齊落茶餐廳食個Lunch ,返上樓晏啲我氹埋阿B 瞓覺,就出門口,先搭巴士去沙田新城市中心,再轉東鐵去太湖站,我約咗甘太,甘太帶我返屋企見Da 仔

佢叫Panda,個個都叫佢做Da 仔,其實Da 仔會怕陌生人,所以甘太叫我一定唔可以好熱情

一入屋見佢都仲未瞓醒,我只敢靜靜坐係梳化睇住佢



等佢入咗房我至入房摸到佢,可能得我一個人佢無咁驚,如果人多佢一定會匿埋,甘太幫我同Da 仔影合照



知佢會驚,我都唔敢太打擾佢




Da 仔已經超過十歲,原本上次返香港已經想約甘太想見吓Da 仔,但咁啱Da 仔得到腎病,甘太已經好傷心,所以我唔敢打搞甘太,但見Da 仔呢兩年得甘太悉心照顧,見到Da 仔依家好好,所以今次一定要打搞甘太,唔係我驚無機會見到面

甘太真係好錫Da 仔,養咗Da 仔咁多年,又唔捨得離開Da 仔,連旅行都唔會去,依家Da 仔有病,佢更加寸步不離,甘太已經退咗休,佢好鍾意係屋企煮飯仔,但為咗Da 仔,佢都少咗煮飯,當日等埋甘生放工返o黎,就跟甘生車,先去接埋細甘生(即係甘太個仔),就去大埔墟新紀廣場潮江春食飯


呢餐多謝晒甘生、甘太,仲有甘太大手筆嘅鮑魚手信





8 則留言:

  1. 照顧寵物跟照顧人一樣,責任重大呢。我幾年都未試過夜晚行廟街喇。

    回覆刪除
    回覆
    1. 貓貓每日都要餵藥,仲邊度敢週圍去

      刪除
  2. 照顧主子好大責任, 好怕佢地會出事架

    回覆刪除
  3. 有個愛錫它的主人Da仔好幸福!

    回覆刪除
  4. 主子有病, 仲慘過貓奴自己有病

    回覆刪除