又做外婆

係我返香港前，阿姐同我討論過Chewy 嘅問題，阿姐都驚我唔捨得Chewy，問我如果佢唔帶走Chewy，佢就自己係康州領養貓，仲話會領養兩隻，就算有殘缺都無問題，咁我當然會唔捨得Chewy 啦，唔帶走都好嘅，起碼Chewy 唔駛再次適應新環境

上次去康州探阿阻，睇過佢附近啲貓貓，其中有啲係流浪貓，我話叫佢收養嗰啲流浪貓啦，起碼唔駛佢哋再流浪，阿姐都話好

佢知道屋企附近有一隻係人哋搬走咗，被遺棄嘅貓，阿姐想嘗試用食物賄賂佢，想餵多佢幾次，睇吓可唔可以引佢返屋企，不過平時餵開佢嗰個鄰居話佢唔會同人熟

點知好快阿姐係網上睇咗個Post，話本身有餵開屋企門前三隻流浪貓，但自己身體唔好，希望三隻貓有家，其中兩隻係兩母女，希望可以一對領養

阿姐見到就即刻聯絡Post 主，話有興趣領養嗰兩母女，於是阿姐就揸大半個鐘頭車去接兩母女，去到時Post 主比咗兩個紙盒阿姐，要阿姐自己捉，阿姐話佢哋真係好純，抱佢哋入盒一啲難度都無，我話我以前同天師仔咁熟，捉佢入籠都唔肯啦，呢兩貓真係純得好交關

阿姐話囡囡係車上面唔想困係紙箱，佢竟然想破盒而出，後來阿姐唯有抱實佢

一返屋企就困佢哋係睡房，佢哋匿係床下底

前面係囡囡叫Mittens，大約三歲，後面係媽媽叫Macy，大約四歲

佢哋都好叻，好快適應新環境

兩母女都好鍾意呢張地毡呢

 

佢哋又愛望街

Post 主已經帶佢哋絶咗育，佢哋隻耳仔剪咗少少，真係只剪咗少少，所以唔係好覺

 我鍾意Macy 多啲，佢毛色靚啲，又肥嘟嘟得意啲

原本阿姐男友仔無話特別鍾意貓，只係阿姐想養就比佢養，但養咗呢兩隻貓之後，佢見Mittens 肯黐佢，佢話佢好愛佢呢

有時間阿姐會開門比佢哋出去望吓個後yard，佢哋好鍾意

如果計起上黎，Macy 係囡囡，咁Mittens 係Macy 個女，咁應該阿姐係外婆，我就係太婆，不過阿姐話算啦，唔好搞到咁複雜，當兩個都係阿女

Mittens 比較唔鍾意比人抱，依家佢哋一家四口，快快樂樂咁生活呢

講番阿姐同男友仔當初上網搵到呢間屋時，係個Post 啲相當中發現咗啲嘢，見到嗎﹖

後來佢哋直接去間屋度睇，前屋主比佢入屋參觀，我估阿姐想去玩貓就真啦

呢間屋好有貓運的呢

唔知幾時至可以去睇吓我呢兩個新外孫女呢