油麻地果欄

行完萬佛寺，去一田行咗一陣，我話想去行果欄，之前TVB 套劇講油麻地果欄，我又真係未踏足過

油麻地戲院，變成咁，都唔似戲院

真係好多生果賣

我同好友都賣咗蓮霧，又大個又平又靚

好友仲賣咗啲橙，佢攞住咁多重生果，都唔方便再陪我行，而且晚飯我又約咗啲家姐一齊食，我唯有陪好友去搭車，見仲未夠鐘，我就係油麻地附近行吓

我又係未行過玉器市場，所以又去行吓

行過油麻地警署，已關門大吉

過廟街行吓

遇到隻舖頭貓，佢主人話佢鍾意食腸仔，雞翼，我問准佢主人請佢食零食

行過食番碗豬骨粥先，以前同仔仔爸拍拖成日嚟食

唔係要留肚，仲想食舊蘿蔔糕

跟住我就搭地鐵去九龍灣，去我細妹做嗰間稻香，約咗二家姐，三家姐同姨甥女兩母女，二姐夫見我哋全班女人，所以佢唔出席

因為當時稻香鱔、羊腩煲做緊特價，三家姐同我二哥就最鍾意食鱔，嘩，啲特價鱔又真係好抵食，因為啲鱔好粗碌，我哋心諗咁嘅價錢有無錢賺架，Send 啲相比我二哥睇，等佢流吓口水先

咁抵食，所以再追加多個鱔煲

個羊腩煲份量都唔少

仲點咗其他嘢，其中有咕嚕肉，不過唔記得影相，補償番嗰日係大快活嗰啲把鬼咕嚕肉，有樣嘢好搞笑，同親細妹去食飯，佢都唔比點蔬菜食，佢話唔抵食，但同佢去飲茶，佢又比點菜食嗰喎，哈哈

因為第二日細妹休息，佢收咗工會返嚟大窩口瞓，佢帶咗啲大閘蟹返嚟

第二日，我又陪埋姨甥女帶個o靚妹去上堂，上完堂返大窩口時，call 醒細妹落茶記，姨甥女陪佢食lunch，而我就一早已經約咗個貓友食lunch

因為上次我返香港時，同貓友都夾唔到時間見面，佢又好客氣寄咗個自己畫嚟做慈善嘅年曆比我，所以今次返香港一定要約佢見吓面，本身佢都係住荃灣，所以約係悅來坊等，我哋去食咗個簡單嘅set lunch

佢仲送咗佢自己畫嘅年曆咭比我

見過面，貓友有事走先，我自己就去行荃灣，之前姨甥女比咗張麥當奴咖啡coupon 比我，我就去麥記嘆番杯咖啡

呢頭啱啱飲完杯咖啡想走，姨甥女就call 問我經過東海堂，見唔見有蜜瓜蛋糕賣，我話有

呢排我細妹唔知係咪食蛋糕食上癮，突然又話想食蛋糕，唯有賣個返去比佢啦

呢晚三家姐早收工，陪佢去街市買啲火煱料，打邊爐兼食大閘蟹，嘩，我廿幾年都未食過大閘蟹了，食大閘蟹係食蟹膏，但我又唔鍾意食蟹膏，咁其實呢，大閘蟹又無咩肉食喎

 拆完大閘蟹無耐，就切蜜瓜…蛋糕