香港遊2015 — 羅車車、小黃屋

呢日入東涌約咗車車媽，探車車

車車唔算係一隻好熱情o既狗狗， 因為係車車眼中只有佢阿娘車車媽， 佢只愛黐住阿娘，佢對眼o既focus只對住佢阿娘

不過就算車車熱情，我哋都唔敢咁猴摛，因為車車早前做咗手術，正在休養中

正因為車車休養期間，都唔打擾車車太耐了

先返東涌去東薈城行一陣，之後約咗另一位貓友係青衣食飯

呢位貓友係好早期yahoo blog相識，終於可以見吓面，我哋去“前門飯莊”食飯，佢好客氣送咗好多嘢俾我，有貓隊道、貓玩具、貓零食，仲有一啲飾物送俾我兩母女

之後一日，一早剷阿姐起身，因為約咗Bill媽、Bill爸係西鐵錦上路站等，小黃屋主人楂車o黎接我哋，車上原來仲有沙Dee媽，因為小黃屋係位於“山旯旮”o既地方，一定要有車至去得到

小黃屋係葛媽以前yahoo blog時o既名字

一入屋就見到佢家中啲貓食客，始終唔係家貓，怕人的

去小黃屋最主要係探佢班大狗，係“高加索犬”

如果我無記錯，右邊嗰隻係媽咪靜宜，其餘係佢啲仔女，一共九個仔女

呢間係佢哋o既冷氣房，冷氣24小時長開

呢隻“阿富汗犬”當然唔係靜宜啲仔女啦，佢叫“拉登”，佢係葛媽一個美國朋友從美國帶番o黎o既狗，後來佢朋友因為有急事返咗美國，所以留底拉登俾佢養

其實好想開閘走入去同班大狗一齊玩

呢隻係“阿嬋”，最想見葛媽既“碌葛”，但佢一直匿係阿嬋後面嗰間冷氣房入面唔出黎，葛媽話佢夏天會匿係冷氣房唔出o黎，直至太陽落咗山至會出o黎，所以無緣見到碌葛

係小黃屋除咗有大狗同貓貓睇，仲有二隻“大花菇”，一隻叫大蕃薯、一隻叫大舊衰

呢隻係小巴，係佢啲食客貓其中一隻，佢早排俾車撞親，做咗幾次手術，康復程度好好，葛媽時時係facebook更新小巴o既情況俾我哋知道，依家都差唔多好番晒

小黃屋仲有芒果呢

葛媽煮嘢食好叻o架，不過天氣咁熱，邊有心機煮嘢食，所以鄭sir就車我哋出去“旦黃花”食泰菜lunch

因為Bill媽、Bill爸趕住去澳門玩，所以鄭sir車晒我哋去搭車