呢日二哥放假，話出旺角“掃街”，聽阿嫂話旺角創興廣塲有間大型AEON，所以先上去行吓，每樣12蚊真係好抵，阿姐就搜購啲小飾物o黎做手信，我就買咗兩款貓碟比三隻仔
我呢度唐人超市賣US$3.79，為廿幾蚊港紙一隻，相等於可以係香港買二隻
Size大啲要US$5.95
之後就開始掃街行動
又買咗果汁飲啦，二哥話我兩母女好把鬼，食少少嘢就叫飽
跟住二哥陪姐行吓商塲仔，好似家樂坊呀咁
我哋由旺角行去花園街，花園街舖頭貓呀
再一直行去深水埗，因為二嫂返咗石硤尾娘家，所以call埋阿嫂出黎，阿姐話要去公和食豆腐花
二哥鍾意食豬油渣麵，陪埋阿哥食，其實我都已經食唔落，最後打包返去俾三家姐食
咁又過咗一日了
你喺 HK 買嗰隻同對美國嘅一模一樣 haha
回覆刪除我都好耐冇出過旺角, 週末 & 假期都勁多人, 怕怕
咪又係嗰啲貨，只係物離鄉貴之嗎，我去嗰日係閒日，weekend真係唔好出旺角
刪除物離鄉貴呢
回覆刪除我以前好怕出旺角架
旺角啱阿姐呢啲o靚妹睇，佢鍾意去旺角中心，新之城，信和都要去行
刪除第一幅圖左邊那碟車車用緊粉紅色另外都買多隻藍色做士啤
回覆刪除我好多貓友都用呢兩款碟
刪除阿姐同妳有冇瘋狂掃貨呀?
回覆刪除掃貨得阿姐囉，我自已真係無咩點買嘢，係買零食俾三隻仔囉，魚扒都買咗100條
刪除公和啲豆腐花好好味，去親深水埗我都一定去幫襯！XD
回覆刪除我至細食到大
刪除你行完家樂坊 , 下次再嚟已經執咗呢~!!
回覆刪除我臨走前都見已經封咗裝修啦
刪除我都鐘意掃街，辣魚蛋
回覆刪除我之前唔知係邊度睇到，話年初一至初四，深水埗桂林街夜晚好多街邊檔，叫“桂林夜市”，真係好想試吓
刪除以前觀塘都有架, 都初一至初四, 最鐘意食個腸粉, 不過之後食環署都唔比再擺啦
刪除