託貓 — 情人節

呢日係2/14 情人節

近中午時，比啲貓“鼠”晒入房o忝，搞到Angie 又匿係佢個“安全區”度

啲貓地係鍾意食人哋嘅嘢、飲人哋嘅水、用人哋個厠所

連Charco 仔都要入去霸番張床，因為平時佢係呢張床度瞓晏覺

情人節呢晚仔仔爸同我出去唐人街食飯，見好耐都無食過越南餐，所以揀咗食越南菜，啲賣相舖得好靚，杯三色冰有花生碎，好香、好好飲

話晒呢日係情人節，食完飯返到屋企，開番啲正嘢比貓地食先

話說農曆年初一，仔仔爸想去World Trade Center 附近嗰間Century 21 買底底，咁嗰朝我哋食完早餐無耐就行過去，行到去subway 站，呢個站係上次911 後再維修重建，地底層係地鐵，地下層設有商舖，仔仔爸話未行過，入去行吓，見到間佈置得好有情人節氣氛嘅朱古力店，仲出售限量版朱古力，但我覺得價錢好貴囉

仔仔爸仲想行吓World Trade Center 附近，下面張相左手邊銀色嗰個商場，都係新起的，但後來收到我叔仔call 會上嚟拜年，所以就打道回府了

點知係我張羅緊貓地啲美食時，仔仔爸就抱住肥Marble 幫手攞出情人節禮物比我，張咭係佢代貓地送比阿娘、婆婆的

就係嗰日行嗰間朱古力店嘅朱古力呢

阿姐後來send 相比我，話我知佢哋係屋企有貓地陪住慶祝情人節

我臨瞓前見到天師仔走上窗台，好彩佢無兇Angie唧