Bobby 仔

記得上個月我姑爺仔捉比我哋幫佢沖涼隻貓嗎，佢依家改名做Bobby 仔，因為Bobby 仔要杜蟲，足足要隔離兩個星期至出關同Bubble、Nicole 仔玩，姑仔話呢隻仔超級活躍，又成跳上枱想偷食，Bubble 仲驚咗佢，成日匿係床下底，姑仔都話搞佢唔掂，而且仲幫唔到佢剪指甲，姑仔好錫Bubble o架，見Bobby 嚇到Bubble，好心痛呀，話想叫我哋帶Bobby 仔返屋企調教吓喎

農曆年仔仔爸有三日假期，咁啱年初二姑爺仔又休息，所以我哋揸車入Long Island 探貓

一入屋見到Nicole 仔，佢又唔比人摸，一行近佢就走番落樓下

但佢一聽見搖零食盒聲，又即刻走番上嚟裝

一見到Bobby 仔出現，派完零食，仔仔爸就抱起佢，第一時間同佢剪指甲，但佢真係好唔合作，不停掙扎，好難剪

最後比仔仔爸兇佢，又比仔仔爸捉實無得走，其實已經剪完，不過仔仔爸唔肯放佢，睇佢個樣就知佢好唔順氣，係咪“胡胡”聲

放咗佢，佢又唔會去匿埋，但佢嬲嬲豬囉

不過好快佢又無事了

Nicole 仔留係度八

Bubble 已經驚Bobby 仔，我哋嚟時，佢已經匿係床下底，剩係見到佢個pat pat

想去黐吓Nicole 仔，佢又驚到走咗落樓下，仲玩匿埋

我買咗隻老鼠比佢哋玩呢

比Nicole 仔玩，佢又唔玩

Bobby 仔好奇怪，我哋摸佢，佢又唔鍾意會出手打，但叫吓佢又會主動埋嚟討摸，心諗佢又係有貓格分裂的，哈哈

後來姑爺仔出咗門口幫仔仔爸洗車，Nicole 仔係門口望實呢

Bobby 仔又去八埋一份

後來我又走出去門口，係門口昅到Nicole 仔跳咗上枱，伸個頭入我個袋度偷零食

姑爺仔洗完車返入屋，仔仔爸話佢哋梗係肚餓啦，姑爺仔都話係啦，夠鐘開餐了，因為佢哋唔係好似我家咁放長貓乾糧，佢哋定時定候至有得食

兩隻豬豬好心急咁等開餐呢

開餐之前，仔仔爸話橫掂都係，幫Nicole 仔剪埋指甲，Nicole 仔好乖好快搞掂

Bubble 嗰碗就攞入房閂埋門，一來驚佢唔敢出嚟食，二來怕兩隻仔食完自己嗰碗走去食Bubble 嗰碗，睇Bobby 仔一食完就想入房

我哋臨走前，又見Bobby 仔係門口、窗台望街

之後我哋要咗IKEA 食嘢

仔仔爸買咗盒Cinnamon Roll，話嚟做晚餐喎